لو فزت ” ان شاء الله ” حتكون محتاج 330 دولار تقريبا رسوم الفيزا في السفارة
اللغة الانقليزية ما ضروري ممكن في المقابلة تطلب انها تكون باللغة العربية يعني ما شرط وبجيبو ليك زول بيعرف عربي مننهم
المتزوجين عندهم فرصة افضل انو ممكن الزوج يقدم الطلب ويضيف الزوجة كمرافقة معاهو والطلب التاني تقدم الزوجة وتقدم الزوج كمرافق معاها وكدة حتزيد الفرص
ما تقدم نفس الطلب اكتر من مرة لانو دة يعتبر مخالفة عندهم وما حيشيلوك
بعد تقدم بيدوك رقم طلب طوالي تحتفظ بالرقم في ورقة وتختو في مكان انت ما حتنساو لان النتيجة بعد فترة وبتستعلم عن انو شالوك ولا لا عن طريق نفس الموقع الالكتروني بتدخل رقم الطلب وبيوريك انو اتقبلت ولا لا ,, لاحتجيك رسالة فى الايميل ولا حيجيك تلفون منهم
باقي الاجراءات لو فزت ان شاء الله حنفصلا في بوست براهو بعد ظهور النتيجة ان شاء الله
